siren224's reviews
534 reviews

انا فعلا مش قادره اصدق ازاي يعملوا كده في حفيد سيدنا محمد

مثال رائع علي التضحيه وعلي الثبات علي العقيده

اسلوب العقاد ممتاز كعادته بس كان نفسي يتكلم اكتر عن مفاتيح شخصسته ونشأته بمعني زي كتب العبقريات
بس حلو جدا انه بين الاختلافات ودوافع كل فريق انا شخصيا لوحدي مكنتش هاخد بالي منها

سيدنا الحسين كسب مفيش اختلاف ع كده لكن سيدنا علي حقه عند ربنا :(

كتاب حلو اوي يخليك تغكر انت فين والناس دول فين وازاي تباتهم ده واحنا امام حاجات ابسط مش عارفين نثبت !!!!

كتاب عبيط خلصته ف ساعه
هي كاتبه حلوه وخيالها واسع وكمان عندها تسلسل افكار ومعلومات كتير
بس كتابها من النوع اللي يتقرا في القطر وهترجع تنساه !!!

هي روايه حلوه
بس ااقل روايات يوسف السباعي اللي اثرت فيا
في حاجه محيراني لو هي اتطلقت وبعد كده اتجوزت احمد ومات
كانت برده هتنتحر ؟!؟!
كتير بكره في يوسف السباعي انه بيتجرأ علي ربنا بس بفكر اني لو مكان البطل مش كنت هقول نفس الكلام !!!

انا قريت الروايه دي اكتر من عشر مرات بس الترجمه المره دي مختلفه ... ازاي روايه يبسطوها فيشيلوا منها اجزاء كامله!!! عن ترجمه الادب العالمي للناشئين اتحدث !!!
انا معجبه جداا بجين اير الحقيقه شخصيتها واقعيه جدااا بكل مساوئها وفضائلها
انا مع كل الوصف الحسي ليها بانها دميمه محستهاش كده خاالص ًمقدرتيش اتخيلها دميمه
طبعا نفس الكلام مع مستر ادوارد مينفعش يكون بشع زي ما كانوا بيقولوا عليه

الحقيقه ان شارلوت برونتي اعطت كل شخصيه حقها ووصفت حتي نفسيه الاطفال صح جدااااا جداااا
فكرت كتير ان ليه في بعض الشخصيات نفسيتها حقوده وشريره كده مثلا زي مسز ريد كمان ازاي اطفال مفروض بفطرتهم يكونوا صالحين يكون فيهم كل الخبث ده زي مستر جون
اول مره اتخيل المناظر الطبيعيه زي ما هي وصفتها
احاسيس كتيره حسيتها في الروايه كان وصفها من القلب فوصل للقلب
بكيت لما كان بيحاول يقنعها انها تفضل معاه بعد ما عرفت الحقيقه
حسيته منطقي جدا في كلامه وحسيت كتر اليأس اللي كان فيه
فكره غريبه جدا جت في بالي انه هي كان ممكن تفضل معاه ومكنش هيكرهها زي سيلين مثلا لانه هيفضل شاكر ليها انها فضلت معاه .... وانها بتحبه لذاته هو ... بس فعلا كانت هتفقد احترامها لنفسهاا

كنت هبكي لما في الاخر رجعوا لبعض بس كان الايذاء الجسدي اللي حصله اسوا ما في الموضوع كنت اتمني لو مكنش حصله كل الايذاء ده وكان ساعتها هيبقي ادعي للتصديق انه بيحبها ففضل يعتزل الناس مش لانه اكتع وضرير ... هو بالفعل اعتزل الناس شهرين بس كان هيكون اكتر رومانسيه علي الاقل لو كان ضرير بس
كمان انها تكون رجعتله مش عشان هو عاجز عشان بتحبه ... كان واضح انها بتحبه ورجعتله عشان كده بس كان هيكون ادعي للتصديق
وغير عرضه للشبهه انها رجعتله بدافع الشفقه
عجبني اووي مقدار سعه اطلاعها ومعرفتها بحضارات كتير - ااقصد المؤلفه طبعا - وكمان وصفها لكل شخصيه بالعمق ده

انا اعجبت اوي بسانت جون في نقطه واحده تحكمه في نفسه وفي ارادته الصلبه بس مقدرتيش افهم ازاي يكون رجل دين وقلبه قاسي جداا كده ويقولها في وشها انه مش بيحبها
الجزء ان هي ازاي فكرت في جوازها منه كان جزء رائع في تفكيره والحكمه اللي كانت بتفكر فيها
نماذج من الشخصيات مع اختلافتها كلها وصفتها وحللتها صح


ممكن ااقول اني فضلت مده طويله مبهوره بالرومانسيه اللي بين ادوارد وجين .... يا بختهم !!

اخيراااا برافو يا شارلوت

للاسف سناء بقت زيهم !!!

الحقيقه انا مكنتش متخيله ان المرض ده ممكن يكون صعب كده
الحلو ف الكتاب ده انها كتبت عن معاناتها بصراحه تامه
بس الغريب انها عمرها ما مثلا حاولت ترجع لربنا تطلب منه المساعده !!!!
هو ممل اوي كمان

روايه غبيه جدااااا
ايه الهري والعبط ده
ممله لابعد حد
وكمان مش منطقيه
اي كلام ف اي كلام !!!!!!

بصراحه. مكملتوش
تهت شويه من اسلوب حكايته ومفيش اي حوار فملت منه
مع انه ف معلومات حلوه ارضت فضولي

الحقيقه اول مره ااقول علي فيلم انه احلي كم الروايه
يمكن الترجمه هي اللي مش صح عشان كده مش وصلي احساس الروايه
الحقيقه تحت توقعاتي