nouranato's reviews
397 reviews

القصة ده حقيقية.... هولي شيت
كل قصة بعد التانية بتبقا احلي من اللي قبلها بس القصة ده ليها طابع ومذاق خاص (بالنسبة ليا)، اخيرا جتلنا الفرصة نتعرف علي ماجي ماكيلوب
It was so much fun to explore their relationship
رفعت بشخصيته العجيبة وماجي المختلفة بس المكملة ليه، علاقتهم مش مملة بل فيها طابع فكاهي جدا رفعت مش بيبينه في اغلب الوقت ف أنا صراحة وبجد استمتعت بقد ايه القصة ده كانت مختلفة واتمني ان ده مش اخر مرة اشوف فيها ماجي

مرة تانية نجتمع مع دكتور رفعت إسماعيل الأعزب البائس الباحث عن الحب والملاقي باللاشيء (أو في الحالة ده الملاقي كل المشاكل وكل المغامرات) شوفت هنا دكتور رفعت في وحدته وازاي أنه زي اَي بني ادم نفسه يجتمع مع حبه بس هو عشان بومة طبعا، مش عارف يعمل كدا لان ماجي اتخطبت بس ما علينا من ده كله.
متخيل دماغي لما اتعرضت للنقلة بل القفزة الغريبة اللي حصلت ده ؟ (الplot twist الجهنمية ده)، رفعت إسماعيل في محاولة انه يتعرف علي جيرانه يقع مع ولد غريب الأطوار، وشه لونه غريب، ملامحه غريبة، ايده قاسية خشنة، ولسانه في الكلام غريب، وبين رسايل دكتور رفعت والعقيد عادل توفيق يقع الولد عزت ف ككبش الفداء ومفتاح اللغز لسفاح الإسكندرية (أكل لحوم البشر) عشان بعدها بعد صولات وجولات رفعت وعادل مديرية الأمن يلاقوه انه مجرد شخص مريض صحيا.
اللقاء ما بين عزت ورفعت فاجئني جدا لدرجة اني كنت بقرأ كل جزء مرتين، حسّيت بحاجة عظيمة ما بين ايدي، مع تنهيدة طويلة وووش متعجب متوقعتش ان ده ممكن يحصل، كنت خلاص بلعت الطعم، هو ده الكنابيليزم، هو ده أكل لحوم البشر، بس ده علي حد تاني، حد غير دكتور رفعت إسماعيل، سعيدة بالنهاية، استمتعت جدا بالقصة، بس هزني أوي علاقة رفعت بعيلته لما مبعتش الجواب لأخوه وكلامه في الأول، رفعت مش لوحده رفعت وحيد مش حاسس بحب ودفء أهله ولا حتي دفء الحبيب، زعلت اَوي علي العلاقة المهزوزة ده، اللي ممكن كانت تتحل لو رفعت ضحي، أو استسلم أو اكتفي بالمعرفة أو العلم اللي عنده ومبقاش دكتور في جامعة واكتفي انه يبقي في العيادة في قرية كفر بدر مش عارفة بس أنا حزينة من الجزئية ده.

لوددت قول اخيراً جاميكا للراحة والاستمتاع ولكن هيهات هيهات ما دمنا مع دكتور رفعت إسماعيل فلن نقابل غير المصائب.

فتقع أول مواجهة عندما يدخل شخص رمادي اللون كريهه الرائحة ف يدب الرعب في قلوب رواد المقهى اللي اختار رفعت وهاري وعائلته أن يرتادوه ومن هنا تبدأ قصتهم مع الموتي الأحياء أو الزومبي

القصة كانت جميلة كالعادة عنصر الكشف عن الحقيقة كان في محله ولكن ممكن اللي كشفها شوية موضوع الكلام الكتير عن مرض الجذام بس في نفس الوقت الأمر كان يحتمل المرض او يحتمل السحر ف (nevertheless) استمتعت بالقصة جدا، وطبعًا الفكاهة الغير عادية لرفعت وردوده العجيبة، وجدير بالذكر (عشان أنا برضه لسا متعلقة ف ماجي ورفعت معا) أنه حتي في اللحظة التي كان مؤكد فيها أن يموت ذكر ماجي والسؤال هنا يا تري هنشوف لحظة سعادة (بيور سعادة) في حياة هذا التعس سيء الحظ دكتور رفعت إسماعيل ؟ أتمني ذلك.

دكتور رفعت إسماعيل، تعبتني معاك.
من غير سذاجة أو كدا بس أنا بقيت متعلقة بالشخصية العجيبة ده، بزعل عليه وبضحك معاه في مغامراته ومشاكله العجيبة وبقيت مستنية أبداً قراءة مغامرة جديدة من مغامراته .

معانا ومعكم دكتور رفعت من اليونان، لجلب الحظ السيء والبؤس، دكتور رفعت بيقابل صديقته أو بالأحرى الشيطانة اللي كانت معاه في الجامعة تابيثا وزوجها ميخائيل.

بنبدأ نتعرف علي أسطورة جديدة، أسطورة ميدوسا اللي لو حظك كان سيء زي صاحبنا وبصيت لعينها هتتحول وتبقا تمثال ومن هنا بتبدأ القصة وتنكشف المؤامرات.

أحب أوجه الشكر لدكتور رفعت والحافز الخفي اللي عمره ما خيب ظنه -لحد دلوقتي- إنك يبقي عندك hunch أو حدس وتسمعه وتمشي وراه وتلاقي انه كان صح، ده حاجة مهمة ومبهجة جدا.

إلي اللقاء حتي اللقاء مرة أخري مع دكتور رفعت إسماعيل.

"إنها الحقيقة.. الحقيقة التي ستهب العلم مرونة لا تقاس"

"ثم إن هناك متعة غريزية ما، في اكتشاف الأماكن الممنوعة.. متعة كامنة في الوجدان الإنساني من فجر التاريخ"

"ها أنتم أولاء قد جرؤتم"

"إن من يبدأ سباق العدو بالركض السريع لا يستمر طويلًا"

"وإلي اللقاء يا سيدتي في حلقة جديدة مع وحش أخر"

"بصيص أخر يلتمع لعيني من عالم ما وراء الطبيعة.. عالم الألغاز التي سنموت وتموت أحفادنا قبل أن نراها، دعك من نجد لها تفسيرا" - دكتور رفعت إسماعيل.



يعتقد أنها لذة خبيثة وأنها ثقيلة علينا، عندما يعرف نفسه في بداية كل قصة ولكنه لو يدري كم انتا تواقون لهذا التذكير الدائم.



قصه من منظور أخر غير دكتور رفعت إسماعيل ؟ وبدايتها غريبة عجيبة ؟ هيا بنا إذن.



"المشكلة أن القدماء قد فكروا في كل شيء.. لقد سافروا في قصصهم لكواكب أخري، وغاصوا تحت الأرض وفِي الأعماق.. عادوا للماضي وزارو المستقبل... لقد سلبوني كل شيء.. المشكلة أنني جئت الدنيا متأخرا بعد أن أتوا علي مائدة الأفكار، فلم يبق لي سوي الفتات.."- سالم محمد شحاته، كاتب في دار نشر، غير ناجح، غير مبدع أو متميز -علي وش رفد كمان- مدمن للقهوة والسهر وعديم الإثارة في حياته. ولكن كل الأمور تتبدل عندما يقابل سلمي: "أنا هي أنت أيها الأحمق" ومن هنا تبدأ الإثارة الحقيقة والسفر بين العوالم والانغماس مع الكواكب والفضاء.



القصة كانت جميلة جداً وذكية جدا، حتت أ.ع.م/ أمه عربية متحدة -في ظل التطورات اللي بتحصل دلوقتي الحته ده جرحتني وزعلتني جدا- ، والحاجات المختلفة في الارض الموازية للأرض ده ؛الفكرة جميلة وفيها ابداع وفِي وقتها اكيد كانت مميزة جدا لان مثلاً انا بقرأ القصة في ٢٠٢٠ ممكن تكون الفكرة اتعرضت قدامي قبل كدا بس غيري مثلا في ١٩٩٩ كان هيلاقيها فكرة ثورية جدا.

فكرة وجود عوالم متوازية، أرض غير الأرض بتاعتنا، ناس زينا ممكن يبقو احنا يكونو عملو قرارات مختلفة عن قرارتنا في الأرض ده، فكرة تستحق التفكير والتفكر.


حبيت سالم وسلمي والترابط اللي ما بينهم حبيت القصة المجنونة لدكتور رفعت إسماعيل، دايما كدا بتساب متلهفة للي بعده


"إنها لي وانا لها" -أنشودة سالم.
"إنه لي وأنا له" - أنشودة سلمي.

ده ثاني مرة اقرأ حاجة لدكتور أحمد خالد توفيق وصراحة مش قادرة استني أني اقرأ كل كتب ما وراء الطبيعة

"إن الذي يكمن الشر في أحشائه سينشر الرعب في قلوب المتطفلين" ...وقد كان.

ده من أكتر القصص المفضلة ليا ✨